Gevoelens van n borderline personality persoon

Geskryf deur Christina Duvenhage op 20 Julie 2024

So baie het in so kort tydjie gebeur. Ek weet nie eers meer wat is werklik en wat is nie. N mens so verlore in jou allerdaagse lewe, dat jy eintlik jouself verloor. Ek het nie gedink ek sal n jaar later weer op dieselfd

e plek sit vir dieselfde rede nie. Was ek nie veronderstel om te verbeter nie. Was ek nie veronderstel om op n beter plek te wees nie. Ander beweeg aan en hier is ek weer vasgevang deur my siektesse. Onder gekry deur my eie gevoelens wat ek nie kan kontroleer nie. Dis nou al vir 4 jaar wat die depressie en selfmoord my nie los nie. Ek kan nie volgende jaar op dieselfde plek sit nie. Erens moet die draai punt wees.

Ek het nodig om vry te wees. Ek het nodig om nuut te begin. En al loop ek die pad voorentoe alleen, dan is dit wat ek sal doen. Wat in my lewe moet wees, sal daar wees, wat nie daar moet wees nie sal YHWH verwyder. Genoeg het ek mag aan my verlede en aan mense gegee om my lewe te beheer en dit soms sonder dat hulle dit eers weet. Dit is tyd dat ek die mag neele en aan YHWH gee.

Ek is moeg om altyd alleen en leeg te voel. Ek wil vol wees. Vol van blydskap, geluk en liefde. Vol van lewe. YHWH het hierdie lewe aan my geskenk so hoekom probeer ek heeltyd n einde daaraan bring. My lewe en geluk le nie in die hande van mense nie, maar in YHWH sin. En in Sy hande is ek veilig. En al mag ek dalk nooit op aarde vrede en vreugde vind nie, weet ek in die hemel sal ek.

Ek het al n paar keer voor die dood se deur gekom en meestal by my eie hand, maar nie een keer was ek bang nie. Elke keer was YHWH by my en al weet ek nie wat Sy plan is nie, weet ek wel dat die dood nog nie vir my beskore is nie.